MeesaM
Family Member
Joined: 09 Aug 2008
Posts: 30
Location: Gujar Khan
|
 Posted: Tue Aug 12, 2008 9:33 pm Post subject: " Merey MOLA " |
 |
|
DUAON K Jhamelon Mein Meri Bhi Kuch DUA Rakhna,
Agar Ranjish Hai Dil Mein Aaj To Uss Ko Bhula Rakhna,
Karo Kuch Yun Meri is Zindagi Ki Har Khushi Le Lo,
Meri Aankhon Mein Apni Aankh Ka Aansu Saja Rakhna,
Agar Mushkil Tumhein Ho Faisla Mere Liye Karna,
Nigahein Band Kar Lena Bhaley Dil Ko Khula Rakhna,
Sabhi Tanhaaiyan Apni Mere Kamrey Mein Band Kar Do,
Mere Yaron Ko Apni Mehfilon Mein Tum Bula Rakhna,
Bhaley Tum Sab Bhula Dalo Nai Mehfil Ki Chahat Mein,
Meri Yadon Ko Thukra Do Magar Paas-E-Wafa Rakhna,
Jo Ek Poda Lagaya Tha Kabhi Hum Ne Muhabbat Ka,
Guzar Na Ho Baharon Ka Usey Phir Bhi Hara Rakhna,
Agar Tum Ko Satati Hon Meri Yadein Kabhi Aa Kar,
Murawat Tum Nahi Karna Unhein Khud Se Juda Rakhna,
Tumhare Haath Par Ek Roz Apna Naam Likha Tha,
Mein Mangoon Ga Na Kuch Tum Se Usey Bas Tum Likha Rakhna,
Milein Tum Ko Sabhi Khushiyan Yehi Hai Ab DUA Meri,
Suno! Apne Tabasum Mein Koi Na Gham Chupa Rakhna,
Mere MOLA! Hai Uss Ki Aankh Mein Aansu Abhi Baaqi,
Agar Daman Pe Gir Jaye Usey Moti Bana Rakhna.
_________________
 |
|
